Bald esch es sowit!

Höt i 28 Täg flügi ab!
Damet ehr au chli vo mine Erläbnis und Idröck, woni währed minere lange Reis werd mache erfahred, hani vor, emmer weder chli öpis uf dere Siite z schriebe...
Wer sech interessiert, cha sech so ufem Laufende halte! Wers ned interessiert esch sälber tschuld ;-)
Ich froi mi natürli au über Kommentär und Bemerkige vo euch!!

Zersch möchti euch mol es Paar Date und Fixpünkt vo minere Reis vorstelle.

Am 24. Juli am morge am 7.40 flügi met Iberia nach Madrid (Flugziit 2h10). Vo Madrid gohts wiiter nach Buenos Aires woni noch 12h15!! werd lande (Ortsziit 19.40)und vo de Gastfamilie abgholt werde (hoffentli).

Am 26. Juli fangi a met de Spanischschuel, wo en Monet duret.(http://www.amautaspanish.com/amautaspanish/argentina/german/spanish_buenos_aires.asp)
Vom 22.8.-29.8. hani Ferie woni chli cha go Argentinie aluege, mol luege was sech i dere Ziit so erget..

Am 30. August fangi a schaffe imene Chenderheim für 8 Wuche. Wo und i welem Projekt weissi aber noni genau, das werd mer de währed de Schuel zueteilt. I dere Ziit wohni witerhin bi de Gastfamilie.

Am 23. Oktober am 7.47 :-) flügi ab über Lima nach San Jose (Costa Rica Flugziit einisch 4h50 und einisch 3h45) woni weder vo de Gastfamilie abgholt werde.

Vom 25. Oktober bis 19.November gohni en Monet it Schuel
( http://www.crlang.co.cr/german/index.html )
Vom 20. November bis am 5. Dezember hani Ferie und Ziit zum Costa Rica bereise. Au die Ziit esch noni gnau planet...

Am 6. Dezember fangi a schaffe im La Marina Wildlife Rescuecenter ide nöchi vo San Carlos (http://www.zoocostarica.com/welcome1.html)Det werdi 7 Wuche schaffe, aso bis am 21.01.2011
Nochher hani weder 2 Wuche Ziit zum Reise :-)

Am 6. Februar flügi wohrschindli wiiter nach Miami (Flugziit nur 2h55) Det werdi weder vo de Gastfamilie abgholt.

Am 7. Februar starti met de Sprochschuel für 4 Wuche,aber emmer nur am Morge. Am Nomi und Wuchenänd hani Ziit zum Florida unsecher z mache :-)

Am 5. März flügi in Miami ab über LA nach Sydney woni am 6. März am Morge am 9.20 (Flugziit 6h und 14h35!!) achmome. Det bezieni mol s Hotel und go am Obe nomol ufe Flughafe go s Susi abhole :-)

Mer wärde vier Nächt in Sydney blibe bevor mer de euses Mietauto gönd go hole und euse Roadtrip rechtig Cairns started. Noch guet eme Monet verloht mit s Susi weder und i reise no en Monet elei dur Australie.

Ungfär am 4. Mai flügi z Sydney weder ab nach Hongkong (Flugziit 9h30) woni ca 3 Nächt werd blibe bevori wiiter nach Bangkok flüge (Flugziit nur 2h40)
Det werdi de dur Thailand, Laos, Vietnam und Kambodscha reise. Aber planet esch no nüt gorss.. Goht jo au no es Johr.

De Heiflug esch ändi Juni, afangs Juli planet.. Aber s gnaue Datum weissi au det noni..

So gsehts bis jetz mol us. Wies de würkli usechunt gsämer de währed de Reis. Lömer eus überrasche! :-)