Super Auto

Das esch so es Auto met blauem Liecht. Was meined ehr, bi dem Exemplar bruchts das scho, damets cool usgseht,oder? Das fahrt aso würkli no so uf de Strosse ume! Aber s esch natürli i de Minderheit..

Übrigens mini Schwiizernatelnr. funktioniert weder...
Wer no meh Föteli wett aluege cha das uf dere Siite mache!

http://picasaweb.google.com/109237574076486479375/

Buenos dias Buenos Aires

Nochere eländ lange Reis beni am Samschtigznacht ca am halbi 11i bi de Gastfamilie acho.Schwiizerziit halbi 4 am Morge. Die bede Flüg send guet gange, ohni grossi Turbulänze und au ohni Verspötig. Aber s FLugzüg vo Madrid nach BS.AS. esch extrem äng und unbequem gsi, s het nur en Tv für alli gha und die Felme wos zeigt händ send genau so langwilig gsi, wie de Flug sälber... Ehr chönd euch jo vorstelle wie ich (wo jo vo gwüsse Lüt au scho als Zappelphilip bezeichnet worde be) mech gfühlt ha, und wie ungeduldig ich gsi be!! Noch 4 Stund hani dänkt, s wär schön wenn mer bald det wäred, noch 6 Stund hani fang nüm gwüsst wa mache und i ha noni mol t Hälfti hender mer gha!Egal, i has überläbt :-)
Wo mer de ändli glandet send, esch di nögscht Geduldprob cho! S Warte ufs Gepäck..Die händ sech aso zemli Ziit glo! Noch 45min esch de au min Rucksack cho. So jetz nur no schnell min Chauffeur sueche und de ab zu de Gastfamilie! Aber au das esch ned so schnell gange wie ich dänkt ha! Vorem Usgang hets e riese Schlange ge, well alli ehres Gepäck händ müesse scanne. Und scho send weder 20min. vergange.
De Chauffeur hani zemli schnell gfunde. Er het zum Glück no gwartet!Schliesslech esch de Flüger jo 20.40 glandet und i be fang 21.40 zum Flughafe uscho...
T Fahrt met mim Chauffeur esch no amüsant gsi, die fahred zemli kriminell do. Be aso froh esch er und ned ich am Stür ghocket! :-) Do hets Auto, die händ ganz dunkelblaus Liecht, die gsehsch fasch ned, nehmt mi nur wunder wie vell die gsänd wenns fahred! De Chauffeur het gmeint, dass gsächi ebe besser us. Naja wennt es Auto fahrsch wo ke Platz me für noii Büle het und überall roschtet, muesch natürli scho metem blaue Liecht alles ushole wot chasch ;-)
T Fahrt zu de Gastfamilie het sech de unerwartet it Längi zoge, well er de Wäg ned gwüsst het. Er het zwar es Navi gha, esch aber emmer i di Gägegsetzt Rechtig gfahre vo dem wos azeigt het. Mer esch da eigentli egal gsi, well ergendeinisch hämmer jo am rechtig Ort müesse acho.
Woni de ändli acho be, het mer mis Gastmami t Alejandra ehri Familie vorgstellt und mi im ganze Hus ume gfühert. Au das het duuret, send jo schliesslech 4 Stöck! I ha es Zemmer met eignigem Bad und eme begehbare Schrank. Lut Fuessballwmwärbig en Traum für jedi Frau, mini wenige Chleider fühled sech aber fasch chli einsam..


(De Igang vo mim Dihei)

Nochdem i mini Sache no uspackt ha, beni am 12 (Schwiizerziit 5i) wie en Stei is Bett gheit und ha zemli schnell, zemli tüüf gschlofe!
Am Sonntig hani ned so vell gmacht, chli met de Gastfamilie plauderet, im Quartier umegspaziert und mi usgruit.
Höt Morge het mi t Alejandra zu de Schuel gfhare. Min ersti Schueltag het met em Istufigstescht agfange.20min spöter beni scho imene chline Schuelzemmer ghocket met drü andere Studente (2 us Dütschland und eini us de USA).Sie send alli scho chli länger do. De Unterricht goht 4 Stund und esch sehr intensiv nur met vier Schüeler!Aber so lerni vellech au chli öpis. Aschlüssend an Unterricht esch no en Info gsi fürt Neuakömmling. Mer send nor z drette gsi und alli inere andere Klass.
Met de einte beni de go Zmettag ässe und nochli i dem Stadtviertel ume gschländert wot Schuel esch. I ha mer e Prepaydcharte fürs Handy kauft ha aso jetz au e argentinischi Natelnr. Wer sie gärn wett, schriebt mer am beste es Mail, S Natel met de Schwiizernr. goht glaub im momaent ned!
Hasta luego!

Dasch mis Dihei für di nögschte 3 Mönet


Mis Zemmer(emu en Teil devo)

Hey mini Liebe!

Ich möcht mech nomol ganz härzlech bi euch für de gmüetlech Obe geschter und für die velle super Gschänk bedanke!! Ehr send di Gröschte,werd euch vermesse!Be scho s erscht Mol überwältiget,bevor t Reis agfange het :-)